第七日 (14/2/2013) (星期四) 金沢–敦賀
今日係情人節,當然繼續Hea遊日本,今日的主角就係食,食咩?咪就係越前蟹囉。早上離開金沢之後,在往越前途中,我地順路經過三國地區,經過半年前的經驗之後,我地知道三國的物價是比其他地方便宜一點,於是我地就沿路入去藥店、超市及化妝品店大掃特掃,自駕遊就是有這樣的好處。哈哈!
途中經過越前加賀海岸国定公園-鉾島,面對如此美景,甚可不停下來休息、休息一番。
我地又順路經過 越前水仙の里公園 (Tel: 0776-89-2381, map code : 560344 310 *83),雖然知道已經係水仙季尾,但都諗住新年去睇下滿山水仙花的情況,不過我地去到見到已經係非常之貨尾的水仙,所以我地停留了2分鐘左右已經開車走人了。
到此,我地就正式進入越前蟹的所在地了,卡卡卡!起我地到達越前蟹博物館前(Tel: 0778-37-2626,
map code : 200600 033 *55),沿路亦已經見到好多售賣越前蟹的商店同食店,其後我地就是但入了一間起越前蟹博物館旁的食店,享用大餐。鮮味無窮的越前蟹,再加上一人一碗三色刺身井,實在令人回味無窮!
新鮮的越前蟹 |
正所謂「物離鄉貴」,我地離開越前,到達只係短短80分鐘車程以外,位於敦賀被稱為北陸地區最大的海鮮市場 - 日本海さかな街(Tel: 0770-24-3800, map code : 192756 640 *08),隻相同size的越前蟹竟然比仲起我地肚入面個隻貴成3倍。個店主見我地睇完價錢牌,都只係買了pack海膽同一盒大蝦做消夜,9成9以為我地唔夠$買,哈哈!
其後,我地去到気比の松原(map code : 192846 252 *54),因近幾日敦賀無落大雪,所以D雪只係堆積在地,而不是掛在松樹上,所以我地亦好快離開,不過我地亦好慶幸這星期的雪區是在白川鄉同高山,而不是金沢同敦賀!之後我地亦駕車到了氣比神宮(Tel: 0770-22-0794, map Code: 192849 125 *62),不過我地只係在外圍兜了兩圈,在燈位欣賞神宮外貌,畢竟神宮不是我地杯茶,我地寧願搵好野食好過。
今晚的酒店-敦賀マンテンホテル駅前位於敦賀駅旁(Tel: 0770-25-0100),天寒地凍,我地泡湯稍事休息過後,就到了敦賀駅附近找間串燒店,好好享受白雪中的情人節。最後,當然返酒店泡湯同食埋晏晝買既海膽同大蝦刺身,先夠完美。